У Стамбуле мужчына пагадзіўся плаціць «аліменты» на катоў сваёй былой жонцы на працягу 10 гадоў пасля разводу

Турэцкая пара пражыла ў законных адносінах 2 гады, перш чым вырашыла разысціся па прычыне»ўнутраных рознагалоссяў».

Пасля скасавання шлюбу ў адным са стамбульскіх судоў яны заключылі незвычайнае пагадненне аб утрыманні сваіх хатніх жывёл. Былыя муж і жонка дамовіліся, што двое котак застаюцца ў жанчыны, а мужчына абавязаны будзе штоквартальна пералічваць сродкі на іх утрыманне.

Сума выплат складзе 10 тысяч турэцкіх лір (240 даляраў) кожныя тры месяцы. Пагадненне будзе дзейнічаць на працягу дзесяці гадоў, а памер выплат будзе штогод індэксавацца ў адпаведнасці з узроўнем інфляцыі.

Акрамя гэтага, былы муж выплаціў экс-жонцы і аднаразовую фінансавую кампенсацыю ў памеры 500 тысяч лір (больш за 13 тысяч даляраў).