У Смаленску археолагі знайшлі ўнікальны скарб часоў Вялікага Княства Літоўскага
Фото: Смоленская экспедиция ИА РАН
Каштоўнасць знаходкі — не толькі ў 48 срэбных манетах XV стагоддзя, але і ў гісторыі, якую яны распавядаюць аб міжнародным гандлі таго часу.
Унікальны скарб XV стагоддзя навукоўцы выявілі падчас будаўнічых работ на вуліцы Собалева.
Археолагі ІА РАН дасталі 48 срэбных манет, схаваных у тэхналагічнай шахце. Аснову скарбу склалі пражскія грошы — сярэднявечны аналаг даляра, які прымалі да аплаты ад Балтыкі да Балкан. Побач з імі знайшліся літоўскі дэнарый з гербам дынастыі Гедымінавічаў і крымскі данг.
Навукоўцы датуюць скарб 1420-мі гадам і лічаць, што наяўнасць манет з розных дзяржаў сведчыць, што Смаленск, які ўваходзіў тады ў склад Вялікага Княства Літоўскага, быў ажыўленым гандлёвым хабам. Праз горад ішлі тавары з Літвы і нават з крымскай Кафы (сучасная Феадосія).
Гісторыкі мяркуюць, што ўладальнік закапаў свае зберажэнні ў перыяд палітычнай нестабільнасці, але па нейкай прычыне не змог вярнуцца за імі. Цікава, што гэта толькі другі скарб Літоўскага перыяду, знойдзены ў Смаленску за ўсю гісторыю раскопак.
