У Мінпрыроды распавялі, як змянілася якасць паветра ў Беларусі за апошнія 10 гадоў
Фото иллюстрационное
Беларусь дэманструе прагрэс у зніжэнні экалагічнай нагрузкі ад транспарту. Як паведаміў намеснік міністра прыродных рэсурсаў і аховы навакольнага асяроддзя Іван Прыходзька агенцтву БелТа, за апошнія дзесяць гадоў выкіды забруджвальных рэчываў ад аўтатранспарту скараціліся на 5% (больш за 31 тысяч тон).
Нягледзячы на тое, што транспарт застаецца галоўнай крыніцай выкідаў (49%), комплекс мер, які рэалізуецца дае эфект.
«Гэта і актыўнае развіццё электратранспарту, адпаведнай інфраструктуры, уключаючы будаўніцтва электрычных зарадных станцый, якіх сёння ў краіне ўжо каля 1 тысячы адзінак. Літаральна за мінулы год іх колькасць узрасла амаль у паўтара раза», — адзначыў Прыходзька.
Улады заклікалі грамадзян больш актыўна выкарыстоўваць альтэрнатыўныя віды транспарту. Паводле разлікаў спецыялістаў, калі б у «дзень без аўтамабіля» кожны другі аўтааматар адмовіўся ад паездкі, гэта дазволіла б скараціць выкіды амаль на 500 тон.
Места:
Беларусь 