Каларытную фотаэкспазіцыю аформілі ў вокнах Цэнтральнай бібліятэкі — яна пра беларускую культуру
Фото: МогилевОнлайн
Здымкі, якія ілюструюціь традыцыйную нацыянальную беларускую культуру, зрабіў наш фатограф-аматар Аляксей Барысаў. А супрацоўнікі Цэнтральной гарадской бібліятэкі імя К. Маркса з густам аздобілі імі вокны-вітрыны.
Атрымалася прастора кшталту мастацкай галерэі пад адкрытым небам. Кожны, хто праходзіць міма, можа спыніцца і акунуцца ў свет народных узораў, каларытных партрэтаў ды традыцыйнай белорускай вопраткі.
Фатаграфіі нібы дыхаюць цеплынёй і душэўнасцю, нагадваюць пра каранёвыя каштоўнасці, якія аб’ядноўваюць пакаленні беларусаў.
Асабліва ўражвае, як арганічна здымкі ўпісаліся ў гарадскую прастору: яны не толькі ўпрыгожылі вокны, але і зрабілі іх своеасаблівым акном у нацыянальную гісторыю і культуру. Тут сустракаюцца мінулае і сучаснасць — праз вобраз, святло і колер, праз твар людзей, у якіх адлюстроўваецца дух народа. Гэтая экспазіцыя стала цёплым запрашэннем зазірнуць у душу Беларусі і яшчэ раз зразумець, што сапраўдная прыгажосць жыве побач з намі.
Места:
Могилев 